Tiktaalik aalisagaq nunamut qaqisoq nassaarineqarpoq
Itsarnisarsiuut akitsinni Nunavumi uumassusullit immamiit nunami uumasunngulernerini ikaarsaanngitsiarnerini uumasuusimasut ujarannguunnerit 383 millioninik pisoqaassusillit pingasut nassaarisimavaat.
Ukiut millionillit hundredekkaat arlallit ingerlanerini uumasut imarmiut nunamut nuukkiartornerini ”uppernarsaatissatut amigaataasoq” Nunavumi nassaarineqarpoq, taaguuserneqarporlu ”Tiktaalik roseae”. Nassaat anginersaat meterinik pingasunik takissuseqarpoq – kuukkoorissamullu eqqaanaateqarluni.
Uumassusillit ineriartornerini ”amigaataasutut” ilisimatuut nassaat nalilerpaat. Qaarsumimi nassaap saarngi misissorluarnerisigut paasivaat imarmiuiunanilu nunamiuiunngitsoq – ullumikkut ilisimasatsitut timmissat sannaannut eqqaanartunik saaneqalereerluni nunamut qaqineq.
-Ujarannguunnera piiaratsigu paasivarput aalisakkat sannaannut eqqaanartunik saaneqartoq, aalisakkatut sulussuguteqarluni, tattaqarlunilu, misissuisut ilaat Neil Shubin, Chicagop Universitetiani professori BBCmut oqaluttuarpoq.
- Isaat niaquisa qaaviniipput, paasinarporlu immami ikkattormiuusimasut, ukiullu millionillit ingerlanerini nunami uumalernissaminnut ikaarsaariarfimmiissimasut, Shubin naggasiivoq.
