Tikeraat ornittagartaassapput
Inuussutissarsiornermut nukissiuuteqarnermullu naalakkersuisup Kommuneqarfik Sermersoorlu takornariartitsisarneq pillugu seminareqartitsinerminni Nuummi takornariartitsisarnerup pitsanngorsarneqarnissa oqallisigaat, pilersaarusiorlugulu.
Nuummi takornariat nutaamik ornittagassaannik ataatsimiinnermi ilaatigut pilersaarusiorneqarput. Suliffissuaqarfiit umiarsualivitoqaanni Royal Arctic Line A/S-ip siusinnerusukkut qullersaqarfigisimasaata illutaata Nuummut takornariarlutik tikeraat ornittagassaatut atulernissaa Naalakkersuisumit ilisimatitsissutigineqarpoq.
Takornariat tikeraallu ornittagassaat, illoqarfiup iluani takornariarneqarsinnaasutut suut periarfissaanersut nittarsaattassavai. Takornariallu illoqarfimmi suut periarfissarinerlugit paasisimasaqarnerulernissaat anguniarneqarpoq.
Illoqarfimmi sumiiffiit assigiinngitsut takornarianut kajungernarnerutilerlugit ornigassaqqinnerulersillugillu qanoq ineriartortinneqarsinnaanerat sammisani qitiusut ilagaat.
