Tikeraarnertik EM-imut piareersarnertut isigaat

Danskit assammik arsartartuisa sungiusaasuata, Jan Pytlickip oqaatigaa, EM-imut piareersarnermik saniatigut neriuutigalugu nunatsinniinnertik nuannersumik misigisaqarfigissallugu.

-Ullut tamaasa sungiusartussaavugut, marloriarlutalu unammissalluta, taakku ajunngilluinnartumik akuleriissinneqarput. Angerrlassaagut, misigisaqarluarsimalluta, ilutigitillugulu arsarnerput pitsanngoriartissallugu.

Jan Pytlickip aamma oqaatigaa, arsartut akornanni ajoqusernerit pissutigalugit arlalinnik taarsiisariaqarsimalluni.

Arsaqataasut ilaat Katrine Fruelundip oqaatigaa, Kalaallit Nunaaliarnissaminnut qilanaarsimaqalutik, kalaallillu inooriaasaat naapinnissaallu minnerunngitsumillu pinngortitap takunissaa tamarmik qilanaarisimallugu.

Katrine Fruelundip isikkamigut ajoqusernikuunini pissutigalugu arriitsumik aallartikkiartuaaqqinnini pissangagiitigalugu qaavatigut nuannersumik misigisassarsiornissani nuannaarutiginerarpaa.

Ullumi sila ajunngeriarpat, tikeraat qulimiigulimmik

takornariartinneqassasut, Team Grønlandimit Claus Nielsenip oqaatigaa.

Unnugu U 18 Nuummi unammissavaat, Ilulissanilu imminnut unammissallutik.

Arnat assammik arsartartut nunatsinni angalanerannut pingaarnertut aningaasaliisuupput, Air Greenland, Pilersuisoq kiisalu Hoteliutilik Svend Junge.