Tikeraaq puisip uummataanik uuilartortoq alutoraat

Akitsinni Nunavumi nunap immikkoortuata naalagaa arnaq Michaelle Jean Kangerlinermi tikeraarami tikilluaqqusaasimaqaaq.

Canadami nunap immikkoortuata naalagaa arnaq Michaelle Jean Kangerlinermi Nunavup ukiunik quliliinerani tikeraarami tikitaminit nuannarineqarlunilu nersorniarneqarpoq.

Nunap immikkoortuata naalagaa arnaq tikitamini puisimik pilattut isiginnaaginnanngilai. Pillattunut ilaaqqulluni ulu tigoriarlugu puisip uummataanik uuilartorpoq.

Nammineq oqarnera naapertorlugu puisip uummataa nutaarluinnaq kissarlunilu mamarpoq.

Nunap immikkoortuata naalagaata arnap ooqanngimik uummatitornera Canada tamakkerlugu isiginnaagassiarineqarpoq, alutorineqarlunilu.

Aperineqarami EUp puisit amiinik eqqusseqqusiunnaarneranut akerliunerminik ersersitsiniaanersoq, akiinnarpoq kinaluunnit qanoq isummersinnaasoq.

Akitsinni naggueqatitta siuttuinit nunap immikkoortuata naalagaata Michaelle Jeanip pissusilersornera nuannaralugu nersorpaat.

Canadap ministeriunerata nunanullu allanut ministeriata nunap immikkoortuata naalagaata iliornera nuannaraat tapersersorlugulu. Akitsinnili uumasunik illersuiniaqatigiit iliorneq amiilaarisimavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat