Tikaagulliusaanik marlunnik Island-i pisaqarnaveersaarsinnaappat, uumasunik illersuiniaqatigiiffik WSPA aningaasanik 1 million koruuninik Islandimut tunniusserusuppoq.
Uumasunilli illersuiniaqatigiiffiup piumasaraa aningaasat arfernik takornariartstnermut siuarsaanissamut aningaasat atorneqassasut.
Politikkerit arfernik pisaqaqqusinnginnissaat siunertaavoq. Tikaagulliusaallu 2007-i naatinnagu pisarineqartussaapput.
- Neriuutigaarput Islandimi politikkerit neqerooruterput tusaaniassagaat. Nunarsuarmioqataasuniimmi Island-ip isigineqarnera pitsanngorsinnaavoq, WSPA-mi tusagassiisarnermik pisortaq Lasse Bruun oqarpoq.
Aningaasat 1 million koruunit katersorneqarsimasut, innuttaasut akornanni katersorniarneqarsimapput, ilaatigut 2006-ip naalernerani eBay aqqutigalugu akitsorterussineq ingerlanneqarsimavoq.