Tikaagulliusaaq saanikuinnanngorpoq
Tikaagulliusaap qaammatit arlaqanngitsut matuma siornagut Vejle Fjordimi naqqannittup oqallisaaqisup saarngi, qaammatini marlussunni nagguaatsup anaanni 20 tonsinik oqimaassusilinni kininneqareerlutik maanna silamut anninneqarput.
Allattoq Elisa Isaksen
Arfeq maanna neqaarussimavoq aanaveersaasartullu saarngi anninneqartut naammagisimaarpai.
Niaquata saarnga, allerui meterinik arlalinnik takissusillit, soqqaa saarngilu allat maanna errortorluarneqassapput neqaata sinnikui piiarniarlugit, tamatumalu kingorna orsumik taninneqassallutik.
Aanaveersaasartup Abdi Hedayat-ip saarngit naammagisimaarpai.
- Neqaa asiusimavoq, saarngilu ajorpasinngilluinnarput, taanna dr.dk-mut taama oqarpoq.
Siusinnerusukkut tikaagulliusaap uummataa 200 kiilunik oqimaassusilik Skejbyp napparsimmavianut ingerlanneqarpoq, qinnguartarlugu misissorneqarmat.