Qallunaat tusagassiutaasa tikaagulliusaaq ullut marluk matuma siorna Vejlip kangerluani nikinnaveermalli malinnaavigeqqinnaarpaat.
Minnerunngitsumik BT, taanna maannakkut tikaagulliusaamut tulluartumik atsiisitsiniarluni unammisitsivoq.
Siunnersuutigineqartut ilagaat Hvalborg, Findus, Hvajle, Osvald, Hope, Fighter aamma Farhval.
KNR-illu Facebook-imi kalaallinit siunnersuutigineqartoq quianartoq naammattoorpaa, tassa Mattaliit.
Mattaliip eqqarsaatit allarluinnarmut sangutissinnaavai. Soorlu tikaagulliusaap mamartortaanut mattammut. KNR-iminngaanniillu Mattaaraq siunnersuutigerusupparput.
Maannali nutaarsiassaavoq tikaagulliusaaq Vejlip kangerluanit aniguisimasoq, immaqa taamaammat atsiisitsiniarluni unammisitsineq unitsiinnarneqarpoq.