Tikaagullittassat qummut killilersorneqarunnaarput
Tikaagullittassat qummut killilersorneqarnerat atorunnarsinneqarpoq.
Aggustimi agguaasseqittoqassaaq, agguaasseqqinnissallu tungaanut paggatassiissutiginnittoqarpoq. Tassa Nuummiit avannamut tikaagulliit 100-t pisarineqarsinnaassammata, Paamiuniillu kujammut 32-t pisarineqarsinnaassammata.
Allattoq Mads Lynge
maajip 25-at 2007 15:40
Tikaagullinniarnerup ukioq manna aallartinnerata kingorna ukiunut allanut sanilliullugu aallartilluartorujussuusimammat, tassa kommunini ataasiakkaani pisassat tamakkerneqareernerinik tamakkerneqangajaliivinnerannilluunnit kinguneqartumik tikaagullinniartoqarsimammat, qummut killilersuineq atorunnaarsinneqarpoq.
Arfattat pissatallu tamaasa ingerlaannaq nalunaarutigineqartarnissaat, kommunikkaartumillu pisat killiffiat qaammatikkaarlugit naatsorsorneqartarnissaat, aalisarnermut, piniarnermullu pisortaqarfiup innersuussutigaa.
