Tikaagullittassat paggatassiissutigineqarput
Piniaqatigiilluni tikaagullittassanut pisassiissutit sinneri 15. september 2010-imit paggatassiissutigineqarlutik Qaasuitsup Kommuniani, Qeqqata Kommuniani Kommuneqarfik Sermersuumilu agguaateqqinneqarput.
septembarip 08-at 2010 13:14
Kommune Kujalliup, KNAPK-p inassuteqarneratigut piniaqatigiinnikkut pisassiissutisiarisimasani allannguuteqanngitsumik pigiinnassaavaa. Tamatumunngalu Aalisarnermut piniarnermut nunalerinermullu naalakkersuisoqarfimmit patsisaatinneqarpoq kujataani kommuninit allanit kingulliullutik tikaagullinnialerajuttarmata.
Tikaagulliit 45-t ukioq manna piniaqatigiinnikkut pisarineqarsinnaapput 148-llu tuukkartalimmik qamutililinnut pisassiissutigineqarlutik.
Kitaani tikaagullit 27-t piniaqatigiinnikkut pisarineqarsimasut 83-illu qamutilimmik tuukkartalimmik pisarineqarsimasut 25. august nalunaarutigineqarsimapput.
