Tikaagullittassat agguaateqqinneqarput

2010-mi tikaagullittassat sinneri 84-usut agguaanneqarput, ilaat qulit qoorortuumik pisassanngortitaallutik.
Allattoq Najaaraq Egede
septembarip 15-at 2010 13:20

Tikaagulliit qamutilimmik pisassaniit 10-t qoorortuumik pisassanut nuunneqassasut, Aalisarnermut, Piniarnermut Nunalerinermullu Naalakkersuisup KNAPK aamma KANUKOKA tusarniareerlugit aalajangiivoq. Pisat nalunaarutineqareersut 14. september 2010 naatsorsorneqarmata tikaagulliit 109-t kitaani pisarineqarsimapput taamaasillunilu 84-t sinnerullutik.

Qulit sinneruttut ima agguataarneqarput:

a) Qaasuitsup Kommuneanut - tallimat (taakkunanga ataaseq ilanngaataassaaq, pisaqarpallaartoqarsimanera pissutigalugu)

b) Kommune Kujallermut - tallimat

Taakkua saniatigut ukunani qoorortuumik pisassat sinneruttut allanngoratik:

c) Kommuneqarfik Sermersooq-mut – arfinillit (kitaani)

d) Qeqqata kommuneanut - pingasut

Nunatta Kangiani, tikaagullittassat aqqaneq-marluk sinnerupput, Kommuneqarfik Sermersooq Nunatta Kangiani Ittoqqortoormiuni Tasiilamilu aqutsiveqarfiit peqatigalugit namminneq agguaasseqqissinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq