Tikaagullinnik pisaqartoqarluartarpoq
aggustip 30-at 2005 15:24
Piniartut tikaagullinniallaqqinnerulersimagunarput, tikaagulliimmi ukioq manna pisarineqarsimasut siornamut naleqqiullutik amerlanerusut pisarineqarsimammata.
Tikaagulliit 124-t ukioq manna apriilimit maannamut pisarineqarsimasut, siornalu taamaalinerani taamaallaat affaasa missaanniittut pisarineqarsimasut, aalisarnermut piniarnermullu pisortaqarfimmi allaffimmi pisortaq Ole Heinrich oqarpoq.
Tikaagullittassat 176-iupput, taamaammat Ole Heinrichip naatsorsuutigaa, tikaagullittassat tamakkerneqariarpata tikaagullinniarneq unitsinneqassasoq.
Tikaagulliusaartassat pisarineqarsimasut siornatulli amerlatigiinnangajapput, maannamut 19-init arfineq-marluk pisarineqareersimammata.