Tikaagullinniarneq unnuamit unitsinneqarpoq

novembarip 06-at 2004 10:43

Tikaagullittassanit 180-init maannamut 178-it pisarineqareersimammata Nunatta kitaani tikaagullinniarneq tamarmi unnuap qeqqanit unitsinneqartoq, Piniarnermut Pisortaqarfimmi allaffimmi pisortaq Ole Heinrich tusagassiutinut allappoq.

Tikaagullinniarnerup unitsinneqarnera kitaanut taamaallaat atuuppoq, Tunumi tikaagullittassanit 14-init maannamut tallimat suli pisarineqarsimanngimmata ammatitsisoqarallarpoq. Taamatuttaaq tikaagulliusaanik suli pisaqartoqarsinnaavoq, pisassiissutinit 19-init maannamut arfineq-pingasut suli pisarineqarsimanngimmata.