Tikaagullinniarneq ullumi aallartissaaq
Aalisarnermut Piniarnermut, Nunalerinermullu Pisortaqarfiup KNAPK, KANUKOKA-lu suleqatigalugit tikaagullittassat 200-t agguaassimavaat.
Allattoq Louise M. Kleemann
Qamutililinnit pisassat kitaani 155-iupput, ukiunilu pingasuni kingullerni qamutik atorlugu tikaangullinniartarsimasunut pisassaritinneqarlutik.
Kitaani Nanortalimmiit Upernavimmut qoorortoorsorluni pisassat 45-pput, Tunumilu tikaagullittassat ataatsimoorussassat aqqaneq marluullutik.
Qoorortoorsorluni pisassiissutit sukumiinerusumik takuneqarsinnaapput nittartakkami: www.nanoq.gl-imi.