Tikaagullik Amazonip kuussuaniittoq
Tikaagullik 12 tonsinik oqimaassusulik, 5,5 meteritullu takitigisoq, Brasiliap timaani sinerissamiit 1.600 kilometeritut ungasitsigisumi, Amazonip kuussuani toqungasoq nassaarineqarsimavoq.
Tikaagullik Amazonip kuussuani sapaatip akunnerani kingullermi angalaareerluni siorarsuarni Santarem-ip eqqaani ippassaq nassaarineqarpoq.
Biologit ikiuunniartullu allat arlaleriarlutik tikaagullik siorarsuarni nikinneq ajuleraangat kaanngartittarsimavaat, neriussimagaluarlutik sinerissap tungaanut ingerlaartissinnaassallugu, toqusimasorli ippassaq nalunaarutigineqarpoq.
- Amazonimi arferit qaqutigooqaat, arferit pillugit ilisimatooq, Katia Groch, aviisimut Folha de Sao Paulo-mut oqarpoq.
- Imaassinnaavoq nappaateqarami tammartajaarsimasoq, misissoreerutiguli paasiumaarparput, Katia Groch Brasiliamiut aviisiannut oqarpoq.