Kommuneqarfik Sermersuumi tikaagullittassat sisamat siusinnerusukkut tunniunneqareerput.
Tikaagullittassatut tunniunneqartut 18-it immikkut pisassiissutigineqartut katillugit 22-usut, Kommuneqarfik Sermersuumi ukioq manna pisassaritinneqartut agguaanneqareerput, Kommuneqarfiup Sermersuup nittartagaani taama allaaserinnittoqarpoq.
Piniartut Nuummi, Kapisilinni Arsummilu ataatsimik tikaagullimmik pisaqarsinnaapput. Tasiilami piniartut pingasunik tikaagullittassinneqarput. Nunaqarfiit Tasiilap eqqaaniittut tallimat tamarmik immikkut marlunnik aamma Illoqqortoormiuni marlunnik tikaagullittassinneqarput, 2010-p sinnerani pisarineqarsinnaasunik.
Tikaagullinnik pisaqarnissamut akuersissutit Kommuneqarfik Sermersuup innutaasunik sulissivianut saaffiginninnikkut pineqarsinnaasut, Kommuneqarfik Sermersuup nittartagaani allaaserineqarpoq.