tigusarinnittoqaqqippoq

Allattoq Jaaku Lyberth
oktobarip 06-at 2006 17:09

Ikiaroornartuerniartarnermut atatillugu tigummigallagaasut inummik ataatsimik ilapput. Angut Ilulissani ippassaq tigusarineqarsimasoq pinerluttulerisoq Finn Jeppesen ilisimatitsivoq.

Arfinillit nunatsinni Københavnimilu siornatigut tigusarineqarput. Taakkua ilaat pingasut matoqqasumik eqqartuussivimmi ippassaq sassartinneqarmata tigummigallagaanerat sivitsorneqarpoq.

Marluk sapaatip-akunnerini sisamani suli tigummigallaagaassapput. Arnap ataatsip tigummigallagaanera ulluni 14-ini aamma sivitsorneqarpoq.

Politiit ukiumi ataatsimi misissuereerlutik Qaqortumi, Nuummi, Ilulissani Københavnimilu aggustip qaammataani tigusarinnipput.