Tigusarineqartut Norgemi perulluliorniarsimapput

Angutit ilumut perulliorniarsimanersut oqartussaasut siullermik uppernarsarusunngikkaluarpaat.

Marluk sapaatip akunnerini sisamani aamma parnaarunneqarallarput, sapaatip akunnerini marlunni immikkoortitaasussanngorlutik, pingajuatalu Tysklandimiit Norgeliartinneqarnissaa utaqqineqarallarpoq, taannami Tysklandimi tigusarineqarmat.

Tigusarineqartup aappaa, 31-nik ukiulik, Usbekistanimeersoq, Norgemi isertortumik paasiniaasartunut, PST-imut, siornali nalunaartartuusimasoq aamma paasineqarpoq.

Taanna tigusarineqarsimammat eqqartuussissuserisuata, Kjell T. Dahlip, tupaallaatiginerarpaa, eqqumiiginerarlugulu.

Eqqartuussissuserisoq oqarpoq, sullitani pisuutinneqarnerminut tupassimaqisoq, isumaqarsimasorlu Kjell T. Dahl pitsaaligamiuk tigusarineqarluni.

Angutit taakku pingasut tamarmik pinngitsuunerarput.