Tigusanik ingerlassisut Sverige aqqusaartarsimavaat
Amerikamiut Stockholmimi aallartitaqarfiat taama nalunaaruteqartarsimanerarlugu, WikiLeaksip saqqummiussai tunngavigalugit, aviisi Svenska Dagbladet ullumi taama allaaserisaqarpoq.
Nalunaarusiani isertuussani takuneqarsinnaasutut, Amerikamiut timmisartui marluk Stockholmip avatinnguaniittumut mittarfimmut Arlandamut 2006-imi februaarimi apriilimilu aqqusaarsisarsimapput.
Apriilimi aqqusaarsisoqartinnagu, timmisartoq pillugu sukumiisumik paasitinneqarnissani, timmisartullu suna suliassarineraa Perssonip piumasaraa. Timmisartoq tigusanik angallassinersoq Perssonip ilaatigut paaserusuppaa.
Tigusanik angallassisoqarnera Sverigimi uppernarsaatissaqartinneqarpoq. Tamanna pivoq, Sverigimiut kilitsissiat timmisartuni teknikerisut atisalersorsimallutik timmisartut ikiffigimmatigik, tamannalu Amerikamiunit paasineqarani.
Sverigimi naalakkersuisut tigusanik timmisartuussanik 2006-imi isornartorsiuinerisa kingorna CIA-p timmisartuinik Sverigimut aqqusaarsisoqaqqinngitsoq, aviisip Svenska Dagbladet-ip ilisimatitsissutigaa.
