Tigummigallarneqarnera sivitsorpoq

Nuummi meeqqeriviit ilaanni angutip aapparisimasaminik sapaatip akunnerani kingullermi persuttaasup tigummigallagaanera sapaatip akunneranik ataatsimik sivitsortinniarlugu nalunaaqutaq marlunut eqqartuussisumut sassartinneqaqqissaaq.

Arnap suliffianut meeqqerivimmut angut sisamanngormat kingullermik iserpoq arnalu persuttalerlugu. Arnaq persuttartinnermi kingorna napparsivimmi misissortereerami angerlarpoq.

Politiit angut kingusinnerusukkut anigamikku tigusaraat. Angulli tigusarineqarnermi nalaani aalakkorpallaaqigami eqqartuussisumut sassartinneqarsinnaasimanngilaq, aatsaallu isertitsivimmi sinitsinneqareerami sassartinneqarpoq.

Angutip siornatigut arnamik allamik persuttaasimanera tunngavigalugu politiit angutip tigummigallagaanerata sivitsorneqarnissaa kissaatigaat. Meeqqerivimmi persuttaaneq suliarineqalerpat siusinnerusukktu persuttaaneq ilanngullugu suliarineqassaaq.

Angutip sapaatip akunnerani tullermi unnerluutigineqarnissaa Nuummi politiit pisortarigallagaata naatsorsuutigaa.