Tiguaagaluarneq Cairnimit persuarsiutigineqanngilaq
Qilleriviup Leiv Eirikssenip Kalaallit Nunaata tungaanut ingerlaarnini ippassaq nangeqqippaa. Kalaallit Nunaata sineriaani aasamut qillerinissat sisamat pilersaarutaapput. Cairn Energy siorna sinerissatsinni sumiiffinni assigiinngitsuni pingasunik misiliillutik qilleripput.
Cairn Energymit oqaatigineqarpoq, sillimaniarneq eqqarsaatigalugu, Norskit sillimaniarnermut isumannaallisaaneri malinneqartut, tamannalu Greenpeacemit assortorneqartoq oqaatigalugu.
Cairn Energyp aamma oqaatigaa, qilleriviit Kalaallit Nunaata sineriaani atortussatik, issuaaneq aallartippoq; "sumiiffinni mersernartuni atorsinnaasut maanngaanneqartut"
Qilleriviup Leiv Eirikssonip, 53.000 tonsiusup, Tyrkiami illoqarfik Besiktas ippassaq qimappaa.
Cairn Energy aatsaat siullermeersumik Greenpeacemit akornusersorneqanngilaq, kingullermik akornusersorneqarpoq siorna ukiassaagaa septembarimi. Taamani Greenpeacermiut sisamat qillerivimmut Stena Don-imut, Qeqertarsuup avataaniittumut ikillutik akerliussutsimik takutitsipput. Taakku kingusinnerusukkut tigusarineqarlutik nunaliaanneqarput.
