Tibetimi sermersuaq aamma aakkiartupiloorpoq

Sermeq ”nunarsuup qaliaa”nik taaneqartartumi, tassa Kinami Qinghai-Tibetip qatsissuaniittoq, sukkasuumik aakkiartorpoq. Silaannaap kissatsikkiartupiloornera pissutigalugu sermeq taanna ukiumut 7 procentimik aattarpoq, taamaaginnassappallu aakkiartupiloornera avatangiisinut ajoquseerujussuarsinnaavoq.

Sermersuaq taanna aatsaat taama sukkatigisumik aakkiartorpoq, taamaaginnassappallugooQ Tibetimi nunap qeriuaannartup masarsua, tamatumalu eqqaanilu nunat qatsissut inoqajuitsorujussuanngortissinnaavai. Taama oqarpoq Kinami professori, Ilisimatusarnermut ilinniarfissuarminngaaneersoq.

Professorip mianersoqqussutigaa qatsissumi silaannaq taama allanngoriataassappat, nunarujussuaq inoqajuitsunngorsinnaassasoq, taamaalippallu Kinap kippasissuani avannarpasissuanilu akulikinnersumik sioqqanik persertalissasoq. Professorip taassuma silap allanngoriartornera Kinami silasiorfinni 681-iusuni misissorsimavaa. Kinami naalagaaffimmi silasiorfissuaq nalunaarpoq Tibetimi 1980-ikkunnut naleqqiullugu gradimik ataatsimik kiannerulersimasoq, sermerlu sukkasuumik aakkiartulerluni.