Tibetimi akerliussutsimik takutitseqataasut toqutaapput

Tibetimi Kinamiut aqutsinerat akerleralugu akerliussutsimik takutitsinermi inuit arlallit toqutaasimasut nutaarsiassaqartitsivik AFP nalunaarpoq.
marsip 14-at 2008 13:06

Tibetimiut mattuttut sapaatip akunnerani ataatsimi illoqarfiit pingaarnersaanni Lhasa-mi akerliussutsimik takutitsinerat saassussinermik kinguneqarpoq. Niivertarfiit biilillu ikuallanneqarput, Kinallu naalagaaffiata nutaarsiassaqartitsivia Xinhua tusagassiaa malillugu aporaattoqarpoq.

Paatsiveerusimaneqarpoq, ikuallattoqarneratigut sumi tamani pujorpoq, ujaqqanik milloortoqarneratigut igalaat aseruatiterneqarsimapput.

Buddistit qinusarfii Kina-miut sakkutuuvinit unguneqarsimapput.

Amerikamiut Bejingimi aallartitaqarfiata Lhasa-mi amerikamiut aallartitaqarfiat attavigisimavaa, Lhasa-mi aallasersortoqarlunilu eqqissiviilliortoqartoq nalunaarutigineqarluni, amerikamiullu ingalassimaarnissaat kajumissaarutigineqarpoq.

Tibet-ip anersaakkut pisortaata Dalai Lamap Kinamiut aqutsisuisa nukiit atorlugit saassussinerit unitsinneqarnissaat kajumissaarutigaa, Tibet-imiullu oqaloqatigineqarnisasaat kaammattuutigalugu.