Tibet suli aaqqiagiinngissutaavoq
Kinamiut Tibetimi naalakkersuinerat akerliuffigalugu Kinami nunap immikkoortuani Gansu-mi ulluni kingullerni akerliussutsimik takutitseqattaarnerni Tibetimiut 19-it inuartarineqarput.
Allattoq Elisa Isaksen
Nunap immikkoortuani tamaani eqqissiviilliornerni toqutaasut 99-inngortut Tibetimiut naalakkersuisuisa Tibetip avataani qimarngusut oqaatigaat.
Tamatuma akerlianik Kinamit oqaatigineqarpoq, akerliussutsimik takutitseqattaarnerit Tibetimi illoqarfiit pingaarnersaanni Lhasami sapaatip akunnerata siuliani aallartimmatali inuit 16-it toqutaasimasut.