Tibet namminersulerusuppoq
Nutaarsiassaqartitsivik Ritzau ippassaq taama nalunaaruteqarpoq.
Tibetip namminersulernissaata Kinamut isumaqatiginninniutigineqalernissaa tapersersorlugu Tibetimiut siuttuisa ippassaq aalajangiuppaat. Taamaalillutik Tibetimiut siuttuisa qullersaata Dalai Lamap naalagaaffinngornissamik piumasaqaateqannginnissamik kissaataa malinnialerpaat.
- Naalagaaffinngornissap tungaanut alloriarnerup siulliup tigunissaa kissaatigaarput, Karma Chophel Tibetimiut siuttuisa qimarngusut siulittaasuat, Tibetimiunut 600-nik amerlassuseqartunut Indiami illoqarfimmi Dharamshala-mi ataatsimeeqatigiittunut oqarpoq.
Dalai Lama, Tibetimiut anersaakkut siuttuat, taamatut alloriarnissamut isumassarsisuuvoq. Tamatumuuna Tibetip namminersulernissaa anguniagaavoq, naalagaaffinngornissaq piumasaqaatiginngikkaluarlugu.