- Piviusorpalaanngitsorujussuuvoq. Nunamik inunnillu takoqqilluni misigissuseq immikkut ittuuvoq, 16-inik ukiulik, Dagens Nyheterimut oqarpoq.Assi: Carlos Costa/AFP/Ritzau Scanpix

Thunberg Spaniami ataatsimiittunut peqataajartorluni Portugalimut tikittoq

Avatangiisinik illersuiniartoq, Greta Thunberg Atlantikoq ilaarlugu umiarsuarmik angalareerluni Portugalimut apuuppoq. Portugalimiillu Spaniamut Madridimut Naalagaaffiit Peqatigiit silap pissusia pillugu COP 25-imi ataatsimeersuarneranut peqataajartussalluni.

- Piviusorpalaanngitsorujussuuvoq. Nunamik inunnillu takoqqilluni misigissuseq immikkut ittuuvoq, 16-inik ukiulik, Lissabonsip umiarsualivianut marlunngornermi tikikkami Dagens Nyheterimut oqarpoq.

Thunbergip timmisartut CO2-mik aniatitsingaatsiartarnerat pissutigalugu timmisartumik angalarusunngilaq. Greta Thunberg Naalagaaffiit Peqatigiit New Yorkimi aggustimi ataatsimiinnerannut peqataajartorluni aamma umiarsuarmik angalavoq.

AAMMA ATUARUK Ilisimatuut COP25-ip aallartinnginnerani silap pissusia nikallunganartutut isigigaat

Thunberg angutaalu Svante australiamiunut umiartortunut marlunnut ilaallutik atlantikukkut uteqqipallapput.

Thunberg Lissabonimi silap pissusia pillugu nunarsuaq tamarmi suliuniuteqartoqarnerani peqataasussaagaluarpoq, silalli ajornera pissutigalugu New Yorkimit Europamut imaatigut angalasinnaasimanani.

Portugal nunani siulliulluni CO2-mik 2050-ertinnagu aniatitsiunnaarnissamut pisussaalerpoq.

/ritzau/TT

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat