Thulemi sulisartuusimasut misileeqqipput
Eqqartuussissuserisoq amerikamiut Thulemi sulisartuusimasut timmisartorsuullu B52-ip 1968-imi nakkarnerata kingorna saleeqataasimasut sinnerlugit 1,1 mia. koruuninik taarsiivigineqarnissamik piumasaqaateqarpoq. Sulisartuusimasut ilarpassui Pihlimi atorfeqarnermik kingorna napparsimalersimapput.
Akiliisinnaajunnaartup pigisaanit taarsiivigineqarnissamik piumasaaqaatasut maanna 4 mia. koruunit missaaniilerput, taakkunanngalu Thulemi sulisartuusimasut taarsiivigineqarnissamik piumasaqaataat amerlanersaallutik. Akiliisinnaajunnaartup pigisai 600 mio. kr.-inik naleqartussatut naatsorsorneqarsimapput.
Amerikamiup eqqartuussissuserisup amerikamiut sulisartut danskit amerikamiullu suliffeqarfiutaanni Danish Construction Corporationimi, ilaatigut Pihlimit pigineqartumi, atorfeqarsimapput. Sulisartuusimasut isumaqarput saleeqataanerminni qinngornernik ulorinartunit sunnerneqarnermikkut kræftimik nappaateqalersimallutik.
Statens Serum Institutip nalunaarusiaani 2005-imeersumi Thulemi sulisartuusimasut akornanni toqusoqartarnera annerunngitsoq inernilerneqarpoq. Taamaakkaluartoq Pihlip kuratoriata Henik Steen Hansenip sulisartut piumasaqaateqarnerminnik iluatsitsisinnaannginnerarpai:
- Nunarsuatsinni sunik pisoqartarnersoq nalorninartuaannarpoq. Sulisartuusimasut oqaatigaat napparsimalersimallutik. Kræfteqalersimapput, qinngornernillu ulorianartunik sunnigaanermikkut allatigut aamma nappaateqalersimallutik, Berlingske Tidendemut oqarpoq.
Danskit Thulemi sulisartuusimasut tamarmik immikkut ajunngitsorsiassanik taasanik 50.000 koruuninik 1995-imi tunineqarput. Naalagaaffiulli ajutoortoqarneranut tunngatillugu taarsiissuteqarnissani akueriumasimanngilaa.