Thule-mi sakkutooqarfiup radariinik nutarsaanissami, Amerikami sakkussaliortartut Raytheon Company, suliarinnittussatut toqqarneqarpoq.
Radarimik nutarsaanissamut isumaqatigiissummi, aningaasat 700 millioni koruunit sakkussaliorfimmit aningaasannassutigineqassapput.
Silaannakkut qaartartunik saassutsinnermi, paasisaqajaarsinnaanermi radarit atorneqartarput, nutarterinissamilu radarinik sukkanerusumik malussarsinnaasunik peqalernissaq USA-mit siunertarineqarpoq, taama USA-mi illersornissamut ministereqarfik nalunaarpoq.
Radarimik nutarterilernissaq ukioq manna septembarip qaammataani aallartissaaq, nutarterinerullu naammassineqarnissaata 2010-mi pinissaa naatsorsuutigineqarpoq.
Kalaallit Nunaanni innuttaasut qulaatiinnarlugit, Amerikamiut Thule-mi sakkutooqarfiliorput, 1953-imilu atomip nukinganik sakkussiat Kalaallit Nunaannut eqqunneqartarlutillu, sakkussiarsuit timmisartukkut Kalaallit Nunaannik qulaassinermi usigineqartarput.