Thorip angajoqqaavi eqqartuussivimmi nassuiaapput
Inoorlaap Thorip angajoqqaavisa sooq ernertik aallarussimanerlugu, Danmarkimi Jyllandip kujataaniittumi Sønderborgip eqqartuussiviani ullumi nassuiaatigaat.
Allattoq Najaaraq Egede
aggustip 08-at 2009 17:11
Aamma uppernarsarpaat ernertik paarilluarsinnaallugu.
Anaanaasup ikiaroornartunik atornerluisuunera pillugu pinngitsaaliissummik ernerat peersitaasussaasimavoq, taamaammat angajoqqaavisa Tjekkiami illoqarfimmut Brnomut aallaruppaat.
Politiinit paasisaammata, naalungiarsuaq erngerluni nakorsamit misissorneqarpoq, ajunngitsorlu qulakkeerneqarluni.
Angajoqqaajusut ernerminnik Esbjergimit aallarussinermikkut ernermik ullunik quliinnarnik utoqqaassusillip inuuneranik ulorianartorsiortitsisimasutut pasineqarput, unnerluussassanngortitaallutillu.
Angajoqqaalli eqqartuussivimmi killisiorneqareeramik iperagaapput - meerartik siunissami allamit paarineqassasoq akuerereerlugu.
Atataasorli eqqartuussummut allamut atatillugu tigummigallagassanngortitaavoq.
