Thorip angajoqqaavi eqqartuussivilersuilerput
Naalungiarsunnguaq Thor ullunik qulinik utoqqaassuseqartoq aasaq angajoqqaaminit Tjekkiamut aallarunneqartoq, maannakkullu angajoqqaavinit arsaarinnissutigineqartoq, angajoqqaavisa eqqartuussisut aqqutigalugit tigoqqinniarlugu suliassanngortikkaat, DR-mit allaaaserineqarpoq.
Allattoq Jaaku Lyberth
oktobarip 23-at 2009 08:46
Thorip allamut inissinneqarnera angajoqqaavisa eqqartuussissunut suliassanngortippaat, neriullutik Thorip allamut inissinneqarsimaneranik aalajangiineq allanngortinneqarsinnaajumaartoq.
Thorip allammut inissinneqarneranut Tønderip Kommuuneata aalajangernera, aalajangernermut naammagittaalliortarfiup siusinnerusukkut isumaqatigalugu oqarput. Aalajangernermut atatillugu Tønder Kommune piumaffigineqarpoq, Thorip angajoqqaavi angajoqqaatut pisinnaasaannik misissuiffigineqassasut. Naammagittaalliortarfiup taamatut isummernera kommuunip iternga tikillugu misissuisimanngerattut ersersitsisutut, Thorip angajqqaavisa eqqartuussissuserisuata Stine Skyumip DR-imut oqaatigaa.
