Thorgeirsson: Kalaallit nammineq naatitaliorsinnaapput

Kalaallit Nunaat, islandimiut assigalugit, naatitanik nammineq pilersortariaqarpoq.

Taama isumaqarpoq, Upernaviarsummi nunaateqarneq pillugu siunnersuisoqarfiup pisortaa, Kenneth Høegh.

- Islandimi naatitarpassuarnik tunisassiorneq ingerlanneqarpoq, Kalaallit Nunaanni assingusumik aamma ingerlatsisoqarsinnaasariaqaraluarpoq.

Tamatuma iluaqutigaa naatitat akisoorsuit tikisinneqartariaqassanngimmata, peqatigitillugulu suliffinnik pilersitsisoqassammat.

Tamanna aamma islandimiut nunaatillit kattuffianni pisortamit, Sigurgeir Thorgeirsson-imit, taperserneqarpoq. Nunaateqarneq pillugu Kalaallit Nunaanni siunnersuisoqatigiinni taanna aamma ilaasortaavoq.

Sigurgeir Thorgeirsson isumaqarpoq, naatitanik tikisitaanngitsunik atuisut pisiumanerusartut, akisunerugaluaraangataluunniit.

- Islandimi naatitat tikisitaanngitsut akisunerugaluaraangataluunniit piumaneqarluartarput, isumaqarpungalu Kalaallit Nunaanni aamma taamaassasoq, oqarpoq.

Sigurgeir Thorgeirsson aamma oqarpoq, naatitat sunik seqqittarneqartarnersut taamaalilluni naakkutigiuminarnerussasoq.