Thomas Møller Olsen ukiortaami eqqartuussivimmut sassartinneqassaaq
Thomas Møller Olsen Islandimiumik arnamik Birna Brjánsdóttirimik toqutsisimasutut ikiaroornartumillu hashimik anngiortumik eqqussisimasutut ukiuni 19-ni parnaarussassanngorlugu septemberip qaammataata naanerani pineqaatissinneqarpoq.
Pineqatissiissut Reykjavikkip eqqartuussiviani aalajangiiffigineqarpoq Thomas Møller Olsenillu pineqatissinneqarnini Islandip eqqartuussissuuneranut nutaajusumut oktoberip ulluisa qulingiluaanni suliareqqitassanngortippaa.
AAMMA ATUARUK Toqutsisimasutut pisuutinneqartup eqqartuussinerup inernera suliareqqitassanngortippaa
Islandimi unnerluussisussaatitaasup KNR-imut mailikkut allalluni uppernarsarpaa, pineqatissiissut Islandimi eqqartuussisuuneqarfimmut nutaajusumut suliareqqitassanngortinneqartoq.
Islandimi manna tikillugu eqqartuussissoqarfiit qaffasissutsit marluupput tassalu kredsrettit aamma højestretti. Ukiumi nutaami eqqartuussisuuneqarfik landsretsi atuutilissaaq.
Suliareqqitassanngortitsineq ukiumi nutaami eqqartuussisuuneqarfimmi suliarineqassaaq. Suliareqqitassanngortitsineq qaqugu suliarineqassanersoq suli ullulerneqanngilaq, unnerluussisussaatitaasup KNR-imut tamanna nalunaarutigaa.
Thomas Møller Olsen Islandimiumik arnamik Birna Brjánsdóttirimik toqutsinermut pisuunnginnini suliap suliarineqarnera tamaat aalajangiusimasimavaa.
AAMMA ATUARUK Birnamik toqutsineq ikiaroornartulerinerlu ukiuni 19-ini parnaarussaassutigissagaa
AAMMA ATUARUK Birnamut tunngasut