Thocon 300 millioni koruuninik aningaasaliiniarpoq

Imermik tunisassiorneq aallartippat Qeqertarsuarmi suliffiit 50-it nutaat pilersinneqassapput.

Naalakkersuisut ingerlateqatigiiffimmeersut ullumi ataatsimeeqatigaat.

Qeqertarsuarmi imermik tunisassiulernissap aallartinnissaa maanna utaqqiinnarneqarpoq.

Schweiz-imiut 300 millioni koruuninik aningaasaliissuteqassapput, illoqarfimmilu suliffissat 50-it pilersinneqassallutik. Naalakkersuisut ullaaq manna ingerlatseqatigiiffimmit nutaamit Greenland Spring Water ApS-imit aallartitat ataatsimeeqatigaat.

Ingerlatseqatigiiffiup siulersuisuini siulittaasuuvoq tyskeq niuertoq, Guido Frank. Taanna siornatigut nunatsinneersunik siku-vodka-mik tunisassiornermi akuunikuuvoq.

Ataatsimiinnermi peqataasoq alla tassaavoq ingerlatseqatigiiffimmi siulersuisunut ilaasortaq, eqqartuussissuuserisoq schweizimioq, Adriano Vigano. Eqqartuussissuserisuunermi saniatigut filmiliornermut tunngasunik suliaqarnikuuvoq, ilaatigut Hollywood-imi.

Aningaasaliisut schweiz-imiut ThoCon, ingerlatseqatigiiffimmi suleqatigaat filmiliortartut, nipilersuutinillu saqqummersitsisartut. Taakku marluullutik Zürich-ip eqqaani illoqarfimmi Chem-imi najugaqarfeqatigiipput.

Imermik tunisassiulernissamut kikkut aningaasaliisut inuttarineraat suli paasissutigineqanngilaq.

ThoCon Narsami siku-mik tunisassiortoqalernissaanik aningaasaliiniarluni siornatigut neriorsuuteqarnikuuvoq.