Thelma Ísland Got Talentimi ingerlaqqinngilaq
Ísland Got Talentimi semifinalernissaq sioqqullugu oqaatigineqaraluarpoq sms-ikkut taasititsinermi nunatsinnit peqataasoqarsinnaassasoq, Thelmali erinarsuliivissoq oqaluttuunneqarpoq nunatsinnit sms-ikkut taaseqataasoqarsinnaanngitsoq.
AAMMA ATUARUK Thelmap Ísland Got Talentimi ingerlaqqinnissaanut taaseqataagit
Nunatsinnit taaseqataasoqarsinnaanngilaq
- Ikinngutikka asasakka. Erinarsulerlunga oqarfigineqarpunga nunatsinnit taasisoqarsinnaanngitsoq, tamannalu assut pissangassutigilerpara erinarsornissaralu minutsinik marlunnik sioqqullugu sapersititaasutut misigilerpunga. (Taamaammat takutitsilluarpallaanngilanga. Finalimut ajoraluartumik ingerlaqqinngitsoorpunga, taamaakkaluartoq aalajangiinnarpunga nunaga sinnerlugu takutitsisinnaanera nuannaarutigalugulu tulluusimaarutiginiarlugu, Thelma Kajsdóttir Lyberth Facebookimi quppernermini taama allappoq.
AAMMA ATUARUK Thelma Iceland Got Talentimi semifinalimut ingerlaqqippoq
- Kisianni hey! naggammik tusagaqarfiginngilassinga! tapersersuisunut tamanut qujanaq! Tuppallernaqaaq! Oqaaseq qujanaq naammanngilaq. Nunatsinnut aqagu angerlassaaq. Angerlarnissaq qilanaarnaq, Thelma Kajsdóttir Lyberth taama naggasiivoq.