Thailandimi sialuk ajornartorsiortitsivoq
Thailandimi qeqertami feeriartarfimmi Phuket-imi timmisartup minnermini ippassaq ajutoorneratigut ajunaartut 88-iusut timaasa annissorniarnerat sialummit ajornartorsiortinneqarpoq, aamma ajutoornermi ilaasut 32-t napparsimmavimmut unitsinneqarput.
- Siallernera pissutigalugu ajunaartut timaat tamakkerlugit annissinnaanngilavut. Kranimik pissarsereerpugut mittarfiullu piaartumik ammaqqinneqarnissaa sulissutigaarput, Thailandimiut angallannermut ministereqarfianniit taama nalunaartoqartoq, dr.dk. allaaserinnippoq.
Timmisartup feeriartarfimmi Phuket-imi ajutoornera, 2004-mi juullimi tassaarsuup eqquinerata kingorna aatsaat taama sakkortutigisumik ajutoornerusoq oqaatigineqarpoq.