Inuit tuusintilikkaat Thailandimi politiit qitiusumik allattoqarfiata silataani akerliussutsiminnik ippassaq takutitsereersullu ministeriuneq taama oqarpoq.Assi: Mladen Antonov/AFP/Ritzau Scanpix

Thailandimi naalakkersuisut akerliussutsimik takutitsisunut iliuutsitik sakkortunerulersinniarpaat

Thailandip naalakkersuisuisa akerliussutsimik takutitsisunut, inatsimmik unioqqutitsisunut inatsisit tamarmik atorniaraat, Thailandimi ministeri aarlerisaaruteqarpoq.

Thailandimi ministeriunerup Prayuth Cham-ochap tunuarnissaanut, nunallu tunngaviusumik inatsisaanik allannguinissamik, kunngikkormiunilu nutaamik aaqqisssuusseqqittoqarnisssaa pillugu akerliussutsiminnik takutitsisut inatsisit atuuttut aqqutigalugit unitsinniarneqassapput.

Ministeriuneq Prayuth Chan-ocha ullumi sisamanngornermi taama nalunaaruteqarpoq.

Inuit tuusintilikkaat Thailandimi politiit qitiusumik allattoqarfiata silataani akerliussutsiminnik ippassaq takutitsereersullu ministeriuneq taama oqarpoq.

Politiit imermik tissaluttaatit, gassimillu qulliliornartumik atuillutik akerliussutsimik takutitsisut avissaartinniarsaraat, taamaalineranilu inuppassuit aqqunartiterlutik.

AAMMA ATUARUK Bangkokimi inuit arlaqartut aqqusinerni aporaannerni aallaaneqartut

Akerliussutsimik takutitsinerit juulimi aallartimmatali ippassaq marlunngornermi aatsaat taama eqqissiviilliortoqartigaaq.

Inuit 55-init ikinnerunngitsut Thailandip illoqarfiisa pingaarnersaanni Bangkokimi akerliussutsimik takutitsinerni aqqunartiterput, arlallit aamma aallaneqarsimallutik. Tusarfiit napparsimmavinneersut taama oqarput.

- Pissutsit ajorsiartuinnarput, eqqissiviilliornerillu sakkortunerulernissaat ernummatigaarput. Iliuuseqartoqanngippat nunamut kunngikkormiunullu ajorneruliinnassaaq, ministeriuneq Prayuth Chan-ocha oqarpoq.

/ritzau/Reuters

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat