Tenerifemi sapaatip akunnerata naanerani sioqqanik persulimmik anorersuarmat timmisartuussinissaraluit taamaatinneqarallarput. Nualluutip COVID-19-ip tuniluunnissaa aarleqqutigineqarmat qeqertamut feeriartarfimmut takornariat tusintilikkaat maanna mattussaaqqapput. (Toqqorsivimmit assi)Assi: Desiree Martin/AFP/Ritzau Scanpix

Tenerifemi danskit marluk coronavirusi pissutaalluni mattussaaqqasut

Tenerifemi takornariaq Italiameersoq coronavirusimik tunillanneqarsimasoq paasineqarmat takornariat 1000 missaat mattussaaqqalerput.

Qallunaatut innuttaassusillit marluk, takornariat 1000-t missaat allat peqatigalugit Spaniami qeqertami takornarianit ornigarneqarluartumi Tenerifemi illoqarfimmi Adejemi akunnittarfimmi mattussaaqqapput.

Takornariap Italiameersup coronavirusimik tunillanneqarsimanera paasineqareersorlu takornariat akunnittarfimmiittut mattussaaqqalerput.

Akunnittarfik takornarianik sullissisiunit Bravo Toursimit, Sun Toursimit TUI Danmarkimiillu atorneqartarpoq.

Qallunaatut innuttaassusillit mattussaaqqasut marluk angalatitseqatigiiffik Bravo Tours aqqutigalugu Tenerifemiipput.

Akunnittarfik inunnik nunat avannarlerneersunik uklikkaartoq

Takornariat 1000-t allat ilaatigut Sverigemeersuullutillu, Finlandimeersuullutilu Danmarkimeersuupput. TUI Danmarkip tusagassiisartua TV2-mut taama ilisimatitsivoq.

Takornariaq Italiameersoq kissarneqarnini pillugu napparsimmavimmut saaffiginnissimavoq.

Nualluummik coronavirusimik tunillanneqarsimasoq kingorna paasineqarpoq.

Angut pineqartoq nakorsaavoq, napparsimmaviillu ilaanni maanna uninngalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat