TelePostip iligiaarluni arpatitsinera 600 ngajannik peqataaffigineqarpoq

Nunatsinni timersornikkut aaqqissuussisarnerit peqataaffigineqarnerpaat ilaat tassalu TelePost-ip iligiiarluni arpatsitisarnera DHL TelePost Stafetten Nuummi ippassaq ingerlanneqarpoq.
Allattoq Jaaku Lyberth
juunip 07-at 2013 05:40

Illigiiat 115-it 575-nik arpattartunik peqataaffigineqartoq Naalakkersuisut siullittaasuata tullianit Steen Lynge-mit ammarneqarpoq.

Arpatitsineq Nuummi Inussiviup silaataannit aallartinneqarmat nipilersortunik aliikkusersuisoqarpoq, tassalu Nuuk Byorkester aamma TelePost-imi nipilersortartut kiissalu nipilersortartoqatigiit  aquuteralaat The Påhængsmotor - aliikkusersuisuullutik.

Iligiiarluni arpatitsinermi arnani ajugaasuupput Sukkachock.

Angutini ajugaasuullutik Nuuk Arpak Shop.

Angutit arnallu akuleriillutik arpallutik unammineranni ajugaasuupput eqqartuussisuserisut suliffeqarfiani Meinel-imi sulisut

Tele Post tusagassiuutinut nalunaaruteqarluni neriusuivoq ukiup tulliani tassalu juni-p qaammataani sisamanngornermi siullermi iligiiarluni arpatitsineq ingerlanneqarumaartoq, tassalu aappagu junip ulluisa tallimaanni inatsisitaarfimmi, ulloq taanna ataatat ulluat aamma malunnartinneqartarpoq.