Telemi aqutsisut siunnersuuteqarput
Illuatungeriit juulip qaammataani isumaqatigiinniarneranni Telemi aqutsisut aquttoralugit isumaqatiginniniarput. Tele Greenlandimiilli telemi aqutsisunik najoqqutassanik naleqquttunik tunineqarsimannginnertik tunngavilersuutigalugu isumaqatiginninniarnerminnik unitsitsipput. Tamannali tunngavilersuutigineqartoq Telemi aqutsisut pisortaannut ilisarnanngilluinnarpoq.
- Isumaqatiginninniarnissaq sioqqullugu isumaqatiginniniarnissamut najoqqutassat atortussallu Nuuk Skynetimut Tele Greenlandimullu nassiussimavagut. Taamaattumillu Tele Greenlandimit tunngavilersuutigineqartoq eqqunngitsoq oqaatigisinnaallugu. Ajoraluartumilli søkabeli atorlugu niuerluni atugaqqarsinnaanissaq pillugu suli isumaqatigiittoqanngilaq. Taamaattumillu maanna isumaqatigiinnianut tamanut siunnersuuteqarluta nassiussivugut, neriunarporlu isumaqatigiinniarneq sivisooq isumaqatigiiffiujumaartoq, Telemi aqutsisuni pisortaq Nicolai Odgaard Jensen knr.gl-mut taama oqaluttuarpoq.
Akit Telep aqutsisuinit naatsorsorneqarsimasut Tele Greenlandimut Niuernermilu ilaalertussamut Nuuk Skynetimut atuuttussaassapput. Tele Greenlandilu Nuup avataani radiokkut attaveqaatitigut amigartooruteqassagaluarpat, internetimi attassusiisartut tamarmik assigiimmik pisussaaffeqassapput.
-Isumaqatigiinniarnerit unittoornerisa kingorna, misissuisimavugut. Kisitsisillu nutaat attaviliiniarnermut tunngassuteqartut aamma takussutissatut suliagut isumaqatiginniinniartunut ingerlateqqissimallugit. Tassalu tullinguuppoq isumaqatiginninniarnerni isumaqatigiinniartuni aaliangiisoqarnissaa, Nicolai Odgaard Jensen taama naggasiivoq.
