Telemi ajutoorneq pissutigalugu nal. ak. arfinilinni aallakaatitsisoqarsinnaasimanngitsoq
Aallakaatitsineq nal. 12.15-ip missaani kiperiataarpoq. Tv-kkut aallakaatitsineq ualeq naallugu kipisaqattaarsinnarluni nal. 18.10 missaani aatsaat iluarsivoq.
Aamma atuaruk KNR Radio TV-lu isiginnaarneqarsinnaanngikkallarput
KNR-TV-p radiullu arfininngormat oktobarip sisamaanni Nuummiit avannamut isiginnaarneqarsinnaajunnarnera tusarnaarneqarsinnaajunnaarneralu TELE-POST-imit ajuusaarutigineqarpoq.
Tassami Nuummiit avannamut illoqarfinni aamma nunaqarfinni innuttaasut nalunaaqutaq ulloqeqqata missaanniit arfernup missaata tungaanut KNR TV isiginnaarsinnaasimanngilaat aamma radio tusarnaarsinnaasimanagu.
TELE-POST-imit tamanna ajuusaarutigineqarpoq nassuiaatigineqarlunilu Aasianniit Uummannamut sakkortusaaviit nutaat TELE-POST-ip maanna ikkussuutileruttorai tamatumunnga atatillugu ajoraluartumik atortuni nutaani ajutoortoqarsimasoq oqaatigineqarluni.