Telemedicin 20 mio. kr. nalinganut piorsaaffigineqassaaq
Peqqissutsimut naalakkersuisup Asii Chemnitz Narup-ip tamaviaarutiginiarpaa telemedicinip ineriartortinneqarnissaa 2007-imut aningaasanut inatsimmit aningaasaliiffgineqarnissaa.
Telemedicin ineriartortinneqassappat 20 millioni koruunit ilinniartitseqqinnernut teknikikkullu atortorissaarutit ineriartortinneqaqqinnissaannut pisariaqassaaq aningaasaateqarfinnut qinnuteqarnissaq. Asii Chemnitz Narup ´naliliivoq Alaskamut tikeraareerluni.
Tamatumali nassatarissavaa, sullitat sukkanermik najugartillu qimannagu sullinneqarsinnaaneri, taamalilluta Ineriartoqqisinnaavugut pingaarnersiuisariaqarlutalu, anersaarlu taanna atorlugu suliatsinni ingerlariaqqinniarpugut, Asii Chemnitz Narup Qanorooq-mut ippassaq oqarpoq.
Peqqissutsimut naalakkersuisup Alaskamiinermini, telemedicin atorlugu nakorsiartitsinerit takusaqarfigisani iluatsilluartumik atorneqarneri takuvai, takusanilu aallaavigalugit erseqqissaatigaa periarfissat taamaattut nunatsinni pingaaruteqartut.
