Assi: Norse // maps.norsecorp.com

Tele-Postip qarasaasiatigut isumannaallisaaneq annertusaaviginiaraa

Tele-Post qarasaasiatigut isumannaallisaanermut pitsaanerulissaaq. Misissuinerup nutaap pisortallu nutaap nunatsinni attaveqatigiiffiit pingaarnersaannut qulakkeerissasoq, Tele-Postip oqaatigaa.

Qarasaasianut unioqqutitsilluni avataanit isertarnerit Tele-Postimit pinngitsoortinniarneqarput, qarasaasianummi isumannaallisaanerit Tele-Postimit annertusineqarput.

Danmarkimi nalunaarasuartaaserinermik sulialik misilittagaqarluartoq KPMG suleqatigalugu qarasaasiakkut isumannaallisaaneq annertusaaviginiarneqarpoq, navianartoqarsinnaaneranik nalilersuineq, inerisimanerullu naliliiffigineqarnissaa siunniunneqarluni.

AAMMA ATUARUK Nunarput internetti atorlugu kilitsissiaqarnermit aarlerinartorsiortoq

Tele-Post tamanna pillugu isumannaallisaanermut pisortassamik nutaamik pissarsiorpoq, misissuinerit kingunerisaannik suliassat suliarineqarnissaannik taanna qulakkeerinnittuussasoq, Tele-Postimi aningaasaqarnermut pisortap Line Frederiksenip oqaatigaa:

- Tele-Post-imi sulisutut tamatta pisariaqartippagut ulluinnarni pitsaanerpaamik qanoq uatsinnut qulakkeerinniffiginissamut ilitsersuutit eqqortut nutartikkallu, qullersallu taakku suliarinerat pingaartillugulu qanimut malinnaavigaat, Line Frederiksen oqarpoq.

AAMMA ATUARUK Norgemiut qaraasiakkut attaveqaataannik Kinamiut Ruslandimiullu saassussisinnaanerat aarlerisaarutigineqartoq

Nunarsuarmi nunat pissaanilissuit nunatsinnik soqutiginnikkiartuinnarnerat ilaatigut pissutaalluni, Kalaallit Nunaannilu suliffeqarfiit suliniaqatigiiffiillu innuttaasullu avataanit ajoquserniarneqarsinnaanerat pissutaalluni qarasaasiatigut isumannaallisaaneq annertusarniarneqartoq, Tele-Postip pisortaanerata Kristian Reinert Davidsenip oqaatigaa:

- Tele-Postip nunap attavilersugaanera pingaarnerpaaq, nunamik tamarmik attaveqartitsisoq, akisussaaffigaa. Imaatigut kabelimi ajutoornerit, attaviit isumannaallisaavigineqarnissaannik qanoq pinngitsuuisinnaanngitsiginerput amerlasuutigut takutippaat, Tele-Postimi pisortaaneq Kristian Reinert Davidsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat