Tele Postip nakkutilliivia pitsanngoriarpoq

Nunatsinni qarasaasiaq internettilu aqqutigalugit attaveqarneq sukkasoorujussuarmik ineriartorpoq, IT-lu aqqutigalugu attaveqarnermik pisariaqartitsineq annertusiartuinnarluni. Tamanna pillugu Tele Post ukioq manna aggustip naanerani, ulloq unnuarlu nakkutilliivimmik, nunatsinni attaveqarnerup ingerlanneqarneranik nakkutilliivimmik pilersitsivoq.

Inuit atuisut attaveqarneri nakkutilliinnermi nakkutigineqalinngillat, siniarimili attaveqaatit ingerlanerisa nakkutigineqarnerat annertusitinneqarluni.

- Nakkutiliivik atorluaqaaq, soorlu nuna tamakkerlugu attaveqaatit aqqutaat qaqqallu qaavini sakkortusaaviit ingerlaneri ulloq unnuarlu nakkutigineqalerput, taamaalillunilu atortunik ajortoqartillugu tamakku ingerlannaq paasineqartalerput, ajortoqavitsinnagulu piaarnerusumik orninneqarsinnaalerlutik, tassa nakkutilliiviup ulloq unnuarlu ingerlanneqalerneratigut siunertaavoq atuisut pitsaanerpaamik kiffartuunneqalernissaat,

Maliinannguaq M. Mølgaard, Tele Greenlandip paasissutissiisarfiani pisortaq taama oqarpoq.

Tele Postip nakkutilliivia NOC-i 13 –inik sulisoqarpoq nakkutilliinerlu qarasaasiat arlalissuit atorlugit ingerlanneqartarpoq.