Tele-Postimut atuisut 15 procentii Wifimut suli attavineqqinngillat
Naallu internetikkut attaveqaatit iluarsinissaat teknikerit ulloq unnuarlu sulissutigereeraluaraat internetikkut attaveqaatit tamakkiisumik suli iluarsinngillat.
Wifimut attaviit 85 procentii atuutileqqereersut Tele-Postip nalunaarutigaa:
- Sinnerisalu 15 procentit atuutileqqinnissaat maanna suliaraavut, Tele-Postip nittartagaani tamanna atuarneqarsinnaavoq.
AAMMA ATUARUK TELE-POST WIFI-mut attaveqaatit iluarsiniarlugit ulapittoqarpoq
Atuisut tamarmik internetimut sisamanngormat attaveqaqqilersut Tele-Postip nalunaarutigaa, Wifikkulli attaveqaatit modem aqqutigalugu ammaqqinneqaqqaartussaapput.
- Wifikkulli attaveqaatit tamarmik ataatsikkut ammarneqarsinnaanngillat, modemminut Wifi ammaqqinneqartussaavoq. Wifi- mulli aqqutit tamaasa ataatsikkut atortutta ammaqqissinnaanngilai, Tele-Post nittartakkamini taama allaaserisaqarpoq.
Internetimut attaveqaatit kipinerannut suna pissutaanersoq KNR-imit paasiniaraluaratsigu iluatsinngilarput.
