Assi: Simon Uldum / Arkiv

TELE-POST: Wifi-mut attaveqaatit ammaqqinneqarput

Wifi-mut attaveqaatit 99,5 procentii ammaqqinneqartut, Tele-Postip ullumi ulloqeqqalernerani nalunaarutigaa. Modemeqarsinnaavorli suli attaveqarniarnermik ajornartorsiuteqartunik. Tele-Post taama nalunaaruteqarpoq.

- Teknikkikkut ajutoorneq,  sisamanngormat ullaakkut pisoq, modeminut wifi-ikkut atassuteqaaserniarnermut aqutseriaatsinut ajornartorsiortitsisimavoq. Teknikkikkut systemiini ajutoornerup taassuma, ulluni marlussunni kingullerni pisup, modeminut atassuseeqqinniarneq ajornartorsiortissimavaa, wifi-ikkulli atassuteqaatit ammaqqinniarlugit tamaviaarluta sulisimavugut, Tele-Post nittartakkamini taama ilaatigut allaaserisaqarpoq.

Wifi suli ajorpat qanoq iliortoqassava?

Modemeqarsinnaavoq suli attaveqarniarnermik ajornartorsiuteqartunik. Tele-Post taama nalunaaruteqarpoq.
 
Modemip Reseternissaanut ilitsersuut
 

- Maannamut pisariaqarsimanngilaq modem-it reset-sernissaat, systemetsinnit atassuteqaatit tamaasa ammaqqikkatsigit. Suli atuisartoqarpat wifi-minnik ajornartorsiuteqartunik, taakkua modemii allatut aaqqinneqassapput.

Wifi suli modemimut atassuteqalersimanngippat, taava atuisartuvut kajumissaassavavut modemertik ”reset”-eqqullugu, taamaasiortoqassaarlu kuglepenimik assigisaanilluunniit ”reset”-imut toortaataa ilummut toorlugu sekundinik 20-inik sivisunerusumik.

Taamatut ”reset”-siilluni wifi-imut attaveqaqqilersimanngikkaanni, ilimanarluinnassaaq modem-imik nutaamik pisariaqartitsilersimaneq, taamaappallu atuisartoq Tele-Post-imi sullissivimmut saaffiginnissinnaavoq, ataasinngornermi nalunaaqutaq qulingiluaniit, Tele-Postip nittartagaani tamanna atuarneqarsinnaavoq.

Resetsiinermi modem ikumaannasaaq internettimullu attavimminut ikkusimaannassalluni.

Modem aallarteqqippat qulleeqqat ikeqattaalersarput.

RESET aaqqissimappat WIFI-p/WLAN-ip qulleeraa ikumalissaaq.

- Wifi-imut attaveqarsimannginneq inuit amerlaqisut ipianngunarisimassappassuk Tele-Post-ip paasilluarsinnaavai, maannalu suliassaq pingaaruteqartoq tullinnguuppoq, tassalu taama pisoqaqqinnginnissaata qulakkeerneqarnissaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat