Immap naqqatigut kabeli Sisimiut kujataatungaaniittoq ajoquteqarpoq. Asserli una assersuutaavoq ajoqusertoqarsimagaangat qanoq isikkoqarsinnaaneranik.Assi: Tele-Post

Tele-Post isumannaannerusumik upalungaarsimasariaqartoq Avannaata Kommuniata piumasaraa

Nunatta avannaani suliffeqarfiit kommunillu aningaasanik isaatitsinissaanut internetti pisariaqarpoq. Taamaammat Tele-Post isumannaannerusumik upalungaarsimasariaqartoq, borgmesteri, Palle Jeremiassen isumaqarpoq. 

Akunnittarfinnut inniminniinissamut aalisakkanik avammut tunisinissamut isumaqatigiissuteqarnerit internettikkut ingerlanneqartarput.

Taamaammat internetti nunatta avannaani ineriartortitsinermut pingaaruteqarpoq taamaammallu Tele-Post imaatigut kabelip ajoquserneranut ajornaannerusumik aaqqiissuteqarsinnaasariaqarpoq.

Avannaata Kommuniani borgmesteri, Palle Jerimiassen taama isumaqarpoq.

Taanna naapertorlugu massakkut internettimut attaveqaataagallartoq arriippallaarujussuarpoq:

AAMMA ATUARUK Nej, dyr har ikke flænset søkabel med tænderne

- Avannaata Kommunia nunatsinni pingaarutilittut ingerlatseqataasuunera taakkartoqqissavara. Ilulissani akunnittarfinni unnuisitagut 73.000-iupput, nunattalu aalisakkanik avammut tunisaasa annerpaartaat imartatsinni pisaasarput. Internettimut tunngatillugu attaveqarfittat siunissamut nunami sumiiffinni allanisulli taamaaqataanik qularnaarneqarnissaa pingaartuuvoq, Palle Jerimiassen tusagassiuutinut allappoq.

Taassuma oqarnera naapertorlugu Tele Post immap naqqatigut kabelimik ajutooqqissagaluarpat navianartorsiornermi pilersaarusiortoqartariaqartoq.

Tele-Postimili pisortaq, Kristian Reinert Davidsen naapertorlugu allamik iliuuseqartoqarsinnaavallaanngilaq

AAMMA ATUARUK Immap naqqatigut kabelip ajoquteqalernera pillugu atuisut ilaat taarsiivigineqassapput

- Upalungaarsimanitsinnut piareersimasuuteqarpugut, taanna maannakkut ingerlavoq, tassanilu radiokædemut attaveqaatinik pingaarnerutitsivugut. Tamatumani allatut iliorsinnaanngilagut. Sapinngisarput tamaat iliuuseqarpugut.

Tamanna ilutigalugu borgmesterip attaveqaatinik ajutooqqittoqaratarsinnaanerata aarlerinarnera qanoq annikinnerutilersinnaaneranut pilersaarusiortoqarnissaa kissaatigaa. Tele-Postillu pisortaata tassuuna aamma iliuuseqartoqarsinnaasoraa.

- Kabelip kipineqannginnissaata qulakkeerniarnissaa allatut iliuuserisinnaasatuaraarput.

AAMMA ATUARUK Imaatigut attaviup ajoquteqarnera kimmut sineriammik attavilutsitsisoq

Tele-Post immap naqqatigut kabelimik iluarsaassisussamik tassa umiarsuarmik Canadameersumik pissarsisimallutini januaarip naanerani paasissutissiissutigaa. Immap naqqatigut kabeli marsip qeqqani atuleqqissasoq naatsorsuutaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat