TELE-POST-ip mobildatamut attaveqarnera suli akornuteqartoq
Sapaammi mobildatamik ajornartorsiuteqarnerup mobilinut attaveqaammi ajornartorsiortitsinera TELE-POST-ip paasivaa, TELE-POST tusagassiorfinnut nalunaaruteqarluni taama allappoq.
Tamanna pissutaalluni TELE-POST-imit sullinneqartut ilaasa sianertunik tigusaqarniartarnerat aammalu SMS-inik kingusissukkut aatsaat tigusaqartarnerat ajornartorsiutaavoq.
Aamma atuaruk Oqarasuaatit angallattakkat attaveqaataat ajoquteqartut
- Ajoqutaasoq paasiniaqqissaarparput aammalu sullitatsinnut ajornartorsiummit eqqorneqartunut suup ajornartorsiutaanera ilungersorluta aaqqinniarsaralutigu. TELE-POST-imik pilersuisut suliakkerneqarput ajoqutaasumillu ujaasineq suli ingerlavoq, Jonas Hasselriis TELE-POST-imi Teknikkimut IT-mullu pisortaq oqarpoq.
TELE-POST nutaarsiassaqaqqilerpat nalunaaruteqaqqissaaq.
Aamma atuaruk TELE-POST-ip mobildatamut attaveqarnera ajutoortoq