TELE-POST-ip mobildatamut attaveqarnera ajutoortoq
TELE-POST-ip mobildata-mut attaveqarnera sapaammi ulloqeqqaniit pingasup tungaanut ajortimmat TELE-POST-ip sullitai mobildatamut attaveerukkaluarput.
Allattoq Karsten Sommer
oktobarip 24-at 2016 07:29
TELE-POST-imi sulisut attaveqaammillu pilersuisuusut nalunaaquttap akunneri pingasut ingerlanerini sulipallannerisigut ajornartorsiutaasoq aaqqinneqarpoq.
- Sullitatsinnut attaveeruttooraluarneq ajuusaarutigeqaarput qujanartumillu ajornartorsiut aaqqipallapparput, TELE-POST-imi Teknikkimut aamma IT-mut suliaqarfimmi pisortaq, Jonas Hasselriis oqarpoq.
Sullitat suli mobildatamut attavinissinnaanngippata mobilertik qameriarlugu ikeqqittariaqarpaat.