Tele Post-ip atuisunut qaffaanera ingasagineqarpoq

Illoqarfinni bankeqanngitsuni najugaqaraanni, atuisut bankiminnut aningaasanik ikisiniarunik Tele Post-imut februaarip aallaqqaataa aallarnerfigalugu, akiliutigisartagaat 15 kr.-miit 20 kr.-mut qaffappoq. Tigusiniaraannilu 50 kr.-eqalerluni. Tamanna pivoq Namminersornerullutik Oqartussat Tele Post-illu kiffartuussinermut isumaqatigiissutaa nutaaq atulermat.

Malene Andresen, Paamiuni nujalerisuusoq, qaffaanermut eqqorneqartut ilaat oqaluttuarpoq, nammineq namminersortuugami checkkonto-qarnini pillugu sapaatit akunneranut ataasiarluni imaluunniit marloriarluni aningaasanik kontominut ikisisariaqartarluni. Taamaalilluni ukiumut minnerpaamik 500 kr.nik aningaasartuuteqartalertussaalluni. Ilanngullugu oqaluttuarivaa, aapparmi pania aningaasanik aallerami konto-ni qanoq imaqartiginersoq paasiniaramiuk 20 kr.-mik akeqarsimasoq tigusiniaramilu aamma 20 kroneerluni. Taamaalilluni katillugit 40 kroni atorsimagai aningaasanik tigusiniarnerinnarmini. Malene Andresen-ip paaserusukkaluarpaa akiliutigisartakkani sumut atorneqartarnersut, Namminersornerullutik Oqartussalli oqaaseqartinniaraluaratsigit iluatsinnagu.

Nunatsinni lloqarfiit qulingiluat bankeqaratik Tele Post-imiit sullinneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat