Tele-Post: Internettimut attaveqarneq iluarsivoq
Tele-Postip ADSL-internettimik atuisorpassui ippassaq ualikkut internettimut attaveerukkaluarput.
Allattoq Simon Uldum -
Tele-Postip ADSL-internettimik atuisuisa 40 procentiisa missaat ippassaq ualikkut internettimut attavimminnik ajornartorsiuteqarput ilaallu attaveeruteqqallutik, Tele-Post tusagassiorfinnut nalunaaruteqarluni taama allappoq.
- Internetti ingerlaqqilerpoq, attaveeruttaqattaarneratalu sullitatsinnut ajoqusersuutaasimanera ajuusaarutigaara, Tele-Postimi Teknikkimut IT-mullu qullersaq Jonas Hasselriis taama oqarpoq.