VIDEO Tele-Post: Internetti nunani allanitut akeqalersinnaanngilaq
Taamaakkaluartorli nunani allani akigitinneqartut assinginik, Nunatsinni imaaliallaannaq akeqalersitsisoqarsinnaanngitsoq, Tele-Postimi pisortaaninngortussap, Kristian Reinert Davidsenip oqaatigaa.
- Immap naqqatigut kabelit atorlugit Kalaallit Nunaat immikkut atugassaqartinneqarpoq. Taamaammallu tamanna pillugu akit nunanut allanut naleqqiullugit akisunerullutik. Akilli sapinngisamik appasinnerpaaffimmiinnissaat, Tele-Postimit eqqummaariffigineqarlutik suliniutigineqassapput.
- Soorlu nunani allani aamma taamaattoqartartoq. Taamaattorli Kalaallit Nunaanni pissutsit atuuttut eqqarsaatigalugit akit appangaatsiarneqarnissaat ilimagineqavissinnaanngilaq, Tele-Postimi kingusinnerpaamik januaarip aallaqqaataani pisortaaninngortussaq, Kristian Reinert Davidsen, KNR-imut taama oqarpoq.
Aamma atuaruk Telemi pisortaq: Avinngarusimanerusut unammillernartuupput pingaarutillit
Kristian Reinert Davidsen Savlimmiuni Forøya Telemi maanna puisortaaneruvoq ukiut qulingiluat matuma siorna atorfinitsinneqarluni.